အနာဂတ်တွင် မြန်မာနိုင်ငံ၏ စက်မှုနှင့် နည်းပညာကဏ္ဍဖွံ့ဖြိုးတိုးတက်ရေးအား ရည်မျှော်၍ စက်မှုဝန်ကြီးဌာနနှင့် Myanmar Promotional Servies(MPS)Co.,Ltd. တို့ပူးပေါင်း၍ ဒုတိယအကြိမ် နိုင်ငံတကာနည်းပညာပြပွဲကြီးကို နေပြည်တော် MICC-II တွင် ၂၅.၈.၂၀၁၇ မှ စတင်၍ ကျင်းပလျက်ရှိပါသည်။ အဆိုပါနည်းပညာပြပွဲတွင် စက်မှုဝန်ကြီးဌာနလက်အောက်ရှိ ဦးစီးဌာနများ၊ လုပ်ငန်းများမှ ပြခန်းများလည်း ပါဝင်ပြသလျက်ရှိပါသည်။
posted date : ၂၅-၀၈-၂၀၁၇
posted by : IT Tester
State/Region : နေပြည်တော်
လျှပ်စစ်စစ်ဆေးရေးကိရိယာများဝယ်ယူရန်တင်ဒါခေါ်ယူခြင်း
posted date : ၀၈-၀၈-၂၀၁၇
posted by : IT Tester
State/Region : နေပြည်တော်
စက်မှုစစ်ဆေးရေးကိရိယာများဝယ်ယူရန် တင်ဒါခေါ်ခြင်း
posted date : ၀၈-၀၈-၂၀၁၇
posted by : IT Tester
State/Region : နေပြည်တော်
ဆောက်လုပ်ရေးလုပ်ငန်းများအတွက် တင်ဒါများခေါ်ယူခြင်း
posted date : ၀၈-၀၈-၂၀၁၇
posted by : IT Tester
State/Region : နေပြည်တော်
စက်မှုဝန်ကြီးဌာနမှ ရေးဆွဲလျက်ရှိသည့် စက်မှုလုပ်ငန်းဥပဒေ(မူကြမ်း)အားဆက်စပ်လျက်ရှိသည့် သက်ဆိုင်ရာဝန်ကြီးဌာနများမှ တာဝန်ရှိပုဂ္ဂိုလ်များနှင့် ညှိနှိုင်းအစည်းအဝေးအား (၂၈.၆.၀၁၇) ရက်နေ့၊(၁၃: ၀၀)နာရီတွင် ရုံးအမှတ်(၄၁)၊ အစည်းအဝေးခန်းမ၌ ကျင်းပရာ စက်မှုဝန်ကြီးဌာန၊ စက်မှုကြီးကြပ်ရေးနှင့် စစ်ဆေးရေးဦးစီးဌာနမှ ညွှန်ကြားရေးမှူးချုပ် ဒေါ်အေးအေးဝင်း၊ အသေးစားစက်မှုလက်မှုလုပ်ငန်းဦးစီးဌာနမှ ညွှန်ကြားရေးမှူးချုပ် ဦးမြသန်း၊ စက်မှုပူးပေါင်းဆောင်ရွက်ရေးဦးစီးဌာနမှ ဒုတိယညွှန်ကြားရေးမှူးချုပ် ဒေါ်တင်တင်ထူး၊ စက်မှုကြီးကြပ်ရေးနှင့် စစ်ဆေးရေးဦးစီးဌာနမှ ဒုတိယညွှန်ကြားရေးမှူးချုပ် ဦးစိုးမိုးကျော်နှင့် သက်ဆိုင်ရာဝန်ကြီးဌာနများမှ တာဝန်ရှိသူများ စုစုပေါင်း(၅၀)ဦး တက်ရောက်ခဲ့ကြပါသည်။
ရှေးဦးစွာ ညွှန်ကြားရေးမှူးချုပ်ဒေါ်အေးအေးဝင်းမှ မိမိတို့ ရေးဆွဲလျက်ရှိသည့် စက်မှုလုပ်ငန်းဥပဒေမူကြမ်းအားပြည့်စုံမှန်ကန်သည့် ဥပဒေတစ်ခုဖြစ်လာစေရန်နှင့် အခြားဝန်ကြီးဌာနများမှ ပြဌာန်းထားသည့် ဥပဒေ၊ နည်းဥပဒေများနှင့် Overlapping နှင့် Conflict မဖြစ်စေရန် သက်ဆိုင်ရာဝန်ကြီးဌာနများမှ ပူးပေါင်းဆောင်ရွက်နိုင်မှုတို့အတွက် ညှိနှိုင်းဆွေးနွေးရခြင်းဖြစ်ကြောင်း၊ ယခုအစည်းအဝေးသို့တက်ရောက်သူအနေဖြင့် စက်မှုလုပ်ငန်းဥပဒေ(မူကြမ်း) အပေါ် မိမိတို့နှင့် သက်ဆိုင် သည့် အပိုဒ်၊ အပိုဒ်ခွဲများအလိုက် အပြုသဘောဖြင့် ဝိုင်းဝန်းအကြံပြုဆွေးနွေးပေးကြပါရန် ပြောကြားခဲ့ပြီးတက်ရောက်လာသည့် ဝန်ကြီးဌာနများမှ မိမိတို့နှင့်သက်ဆိုင်သည့် အပိုဒ်၊ အပိုဒ်ခွဲများအလိုက် ဆွေးနွေးခဲ့ကြကာအစည်းအဝေးအား (၁၅:၃၀) ချိန်တွင် ရပ်နားခဲ့ပါသည်။
posted date : ၀၄-၀၈-၂၀၁၇
posted by : IT Tester
State/Region : နေပြည်တော်
(၂၆.၁၂.၂၀၁၆)ရက်နေ့တွင် ရုံးအမှတ်(၄၁)၊ အစည်းအဝေးခန်းမ၌ Soft Skill Capacity Upgrading သင်တန်းတွင် ပြည်ထောင်စုနယ်မြေ(နေပြည်တော်)၊ ပြည်နယ်၊ တိုင်းဒေသကြီးများမှ ဦးစီးဌာနမှူးများ နှင့် SME Lead များ၊ ရုံးချုပ်မှ အရာထမ်းများ၊ စုစုပေါင်း (၆၀)ဦးခန့်တက်ရောက်ခဲ့ပါသည်။
posted date : ၀၈-၀၁-၂၀၁၇
posted by : IT Tester
State/Region : နေပြည်တော်
ILO အဖွဲ့အစည်းနှင့်ပူးပေါင်း၍ SME လုပ်ငန်းများ ဖွံ့ဖြိုးတိုးတက်ရေးအတွက် လုပ်ငန်းခွင်ဘေးအန္တရာယ်ကင်းရှင်းရေး၊ ကျန်းမာရေးဆိုင်ရာ Work Improvement for Small Enterprise (WISE) ဆရာဖြစ်သင်တန်းအား (၆.၁၂.၂၀၁၆) မှ(၈.၁၂.၂၀၁၆) ရက်နေ့ထိ ကျင်းပပေးခဲ့ပါသည်။
posted date : ၂၂-၁၂-၂၀၁၆
posted by : IT Tester
State/Region : နေပြည်တော်
PUM Netherlands Senior Expert အဖွဲ့နှင့်ပူးပေါင်း၍ စစ်ကိုင်းတိုင်းဒေသကြီး၊ ရွှေဘိုခရိုင်အတွင်းရှိ စဉ့်အိုးထုတ်လုပ်သည့် SME လုပ်ငန်းရှင်များအား (၄.၁၂.၂၀၁၆) မှ (၁၇.၁၂.၂၀၁၆)ရက်နေ့ထိ စျေးကွက်ဝင်အရည်အသွေး ကောင်းမွန်သောစၿဉ့်ထည်များ ထုတ်လုပ်မှုနည်းပညာကို ပံ့ပိုးပေးသည့် သင်တန်းကို ကျင်းပပြုလုပ်ခဲ့ရာ စစ်ကိုင်းတိုင်းဒေသကြီး၊ ရွှေဘိုခရိုင်၊ ကျောက်မြောင်းမြို့ရှိ စဉ့်ထည်ထုတ်လုပ်သည့် လုပ်ငန်းရှင် စုစုပေါင်း (၃၀)ဦးတက်ရောက်ခဲ့ပါသည်။
posted date : ၂၂-၁၂-၂၀၁၆
posted by : IT Tester
State/Region : နေပြည်တော်
ဂျာမနီနိုင်ငံ GIZ အဖွဲ့အစည်းနှင့်ပူးပေါင်း၍ (၂၁.၁၁.၂၀၁၆) ရက်နေ့မှ (၂၃.၁၁.၂၀၁၆) ရက်နေ့ထိ ရန်ကုန်မြို့ရှိ အသေးစားနှင့်အလတ်စားလုပ်ငန်းများဖွံ့ဖြိုးတိုးတက်ရေးဌာန၌ Stakeholder Collaboration Training ကို သင်တန်းသား (၂၀) ဦးဖြင့် ပြုလုပ်ကျင်းပခဲ့ပါသည်။
posted date : ၂၂-၁၂-၂၀၁၆
posted by : IT Tester
State/Region : နေပြည်တော်
ဂျာမနီနိုင်ငံ GIZ အဖွဲ့အစည်းနှင့် ပူးပေါင်း၍ SME လုပ်ငန်းများဖွံ့ဖြိုးတိုးတက်စေရန်အတွက် ဆောင်ရွက်ပြီးစီးမှုအခြေအနေ မှတ်တမ်းများအားစုစည်း၍ Activity Booklet Annual Report (2016)အား ပြည်သူလူထုသို့ ထုတ်ပြန်နိုင်ရန်(၁၈.၁၁.၂၀၁၆) ရက်နေ့တွင် Annual Report ပြုလုပ်နိုင်ရန်အတွက် Core Team အဖွဲ့ဝင်များဖြင့် ရန်ကုန်မြို့ရှိ အသေးစားနှင့်အလတ်စားလုပ်ငန်းများဖွံ့ဖြိုးတိုးတက်ရေးဌာန၌ Annual Report Initial Workshop ကျင်းပပြုလုပ်ပေးခဲ့ပါသည်။
posted date : ၂၂-၁၂-၂၀၁၆
posted by : IT Tester
State/Region : နေပြည်တော်